Durrës, u kishte borxh dy vëllezërve, marrin peng e dhunojnë biznesmenin

Një biznesmen 33- vjeçar i sektorit të ndërtimit është marër peng në Durrës nga dy vëllezër, pasi u kishte borxh një shumë prej 13 mijë eurosh. Policia ka shpallur në kërkim dy vëllezër nga Durrësi, të akuzuar për pengmarrje ndërsa është arrestuar pronari i mjetit të përdorur gjatë krimit. Shkak ka qenë moslikujdimi i shumës për një apartament që dy vëllezërit u kishin shitur biznesmenit të marrë peng.

Shkak ka qenë moslikujdimi i shumës për një apartament që dy vëllezërit u kishin shitur biznesmenit të marrë peng. Burime nga policia kanë bërë me dije se në pranga ka rënë 30- vjeçari me iniciale Gj. Q. banues Yzberish, Tiranë, i cili rezulton pronari i mjetit me të cilën u mor peng biznesmeni 33 vjeçar. Po të njëjtat burime sqarojnë se në kërkim janë shpallur vellëzerve me iniciale J.N. dhe Xh.N. banues në Durrës.

Nga burime të Report TV mësohet se konflikti mes tre personave ka nisur me shitjen e një apartamenti biznesmenit të hidrosanitareve, i cili nuk kishte arritur ti shlyente shumën prej 13 mijë euro vëllezërve pengmarrës. Policia ka konstatuar se 33- vjeçari, pasi është marrë peng, është dhunuar nga 2 vëllezërit dhe është lënë i lirë vetëm në momentin, që ai u ka prmetuar se do tu shlyente menjëherë borxhin.